Дзень яднання народаў Беларусі і Расіі

Гэта свята сімвалізуе агульнасць гістарычных лёсаў, шматвяковую моцную дружбу і духоўнае брацтва беларусаў і расіян. Асновы яднання народаў Беларусі і Расіі закладзены ў падпісаных больш як 20 гадоў таму прэзідэнтамі дзвюх краін фундаментальных дакументах, ключавым з якіх з'яўляецца Дагавор аб стварэнні Саюзнай дзяржавы ад 8 снежня 1999 года.

Шматвяковыя гістарычныя сувязі і трывалая сувязь народаў Беларусі і Расіі служаць непарушнай асновай для развіцця ўсёабдымнага і эфектыўнага супрацоўніцтва паміж дзвюма краінамі. На працягу многіх гадоў сумеснымі намаганнямі брацкіх народаў быў пройдзены значны шлях інтэграцыі ва ўсіх сферах, эканоміка, навука, гуманітарная дзейнасць ці культура. Дзякуючы гэтаму Беларусь і Расія дасягнулі важнага этапа на шляху да галоўнай мэты - стварэння спрыяльных умоў для ўстойлівага развіцця сваіх краін, паляпшэння дабрабыту і павышэння ўзроўню жыцця грамадзян.

Расія і Беларусь прадаўжаюць паспяхова рэалізоўваць розныя сумесныя праекты ў навукаёмістых і высокатэхналагічных галінах, паслядоўна вырашаць пытанні ў галіне сацыяльнай і міграцыйнай палітыкі, гарманізацыі нацыянальных заканадаўстваў, канструктыўна ўзаемадзейнічаць у сферы знешняй палітыкі, абароны і бяспекі.

У агульнай гісторыі дзвюх краін ёсць нямала слаўных дат. Але гэты дзень у сучасных умовах мае асаблівае значэнне. Гэта сімвал нашага братэрства і духоўнай роднасці, непарыўнай блізкасці лёсаў і культурных традыцый, адраджэння былых сувязей і развіцця ўсебаковага супрацоўніцтва.

Віншуем грамадзян усёй Саюзнай дзяржавы! Няхай наш агульны дом заўсёды будзе поўны дабра і шчасця!